கர்நாடக சட்டசபையில் இன்று நம்பிக்கை வாக்கெடுப்பு, உச்சக்கட்ட பாதுகாப்பு !
#CaptainNews |
#TamilNews
#வாக்கெடுப்பு
#Vajupayvala
கர்நாடக சட்டசபையில் இன்று நம்பிக்கை வாக்கெடுப்பு நடைபெற உள்ளதால் பெங்களூர் விதான் சவுதானை சுற்றி உச்சக்கட்ட பாதுகாப்பு போடப்பட்டுள்ளது. கர்நாடகத்தில் காங்கிரஸ் ஜனதாதள கூட்டணி ஆட்சி நடந்து வருகிறது. இந்த நிலையில் கூட்டணி கட்சிகளை சேர்ந்த அதிருப்தி எம்.எல்.ஏ.க்கள் 16 பேர் ராஜினாமா செய்து சபாநாயகரிடம் கடிதம் கொடுத்தனர். இதனையடுத்து கடந்த 19ம் தேதியே நம்பிக்கை வாக்கெடுப்பு நடத்த வேண்டும் என்று முதல் மந்திரி குமாரசாமிக்கு கவர்னர் வஜூபாய்வாலா உத்தரவிட்டார். இதனைத்தொடர்ந்து ஆளுனர் உத்தரவை முதலமைச்சர் குமாரசாமி புறக்கணித்தார். இதனையடுத்து 2 நாட்கள் அரசு விடுமுறைக்கு பிறகு நேற்று காலை சட்டசபை கூடியது.இந்நிலையில் நேற்று நம்பிக்கை வாக்கெடுப்பு மீதான விவாதம் முடிந்த பின்னர் வாக்கெடுப்பு நடத்தப்படும் என்று சபாநாயகர் அறிவித்தார். இதைத் தொடர்ந்து நேற்று பிற்பகல் 1.30 மணிக்குள் நம்பிக்கை ஓட்டெடுப்பு நடத்தி முடிக்க முதல்வர் குமாரசாமிக்கு ஆளுனர் உத்தரவிட்டார்.இதனையத் தொடர்ந்து சட்டசபையில் அமளி நிலவியதால் 2 மணி நேரம் ஒத்திவைக்கப்பட்ட சட்டசபை மீண்டும் கூடியது.இதனிடையே எடியூரப்பா நள்ளிரவு ஆனாலும் பரவாயில்லை நேரத்தினை வீணடிக்காமல் நம்பிக்கை ஒட்டெடுப்பை நடத்திட வேண்டும் என்று வலியுறுத்தினார்.இதனைத்தொடர்ந்து விவாதம் இரவு 11 மணியை கடந்தும் நடைபெற்றது. மேலும் எடியூரப்பா பேசி கொண்டிருந்த போதே காங்கிரஸ் எம்எல்ஏக்கள் அவையை விட்டு வெளியேறியதால் கர்நாடக சட்டசபை ஒத்திவைக்கப்பட்டது.இந்த நிலையில் இன்று காலை 10 மணிக்கு சட்டசபை கூடியதும் நம்பிக்கை வாக்கெடுப்பு குறித்து முக்கிய முடிவு வெளியாகும் என எதிர்பார்க்கப்படுகிறது. மேலும் போதிய எம்எல்ஏக்களின் பலம் இல்லாததால் குமாரசாமியின் ஆட்சி கவிழும் சூழல் ஏற்பட்டுள்ளதால் பெங்களூரில் பலத்த பாதுகாப்பு ஏறபாடுகள் செய்யப்பட்டுள்ளன.
Like: https://www.facebook.com/Captainnewstv
Follow: https://twitter.com/captainnewstv
Web: http://www.captainnews.net
கர்நாடக சட்டசபையில் இன்று நம்பிக்கை வாக்கெடுப்பு, உச்சக்கட்ட பாதுகாப்பு ! காங்கிரஸ் கட்சித் | |
| 2 Likes | 2 Dislikes |
| 69 views views | 133K followers |
| News & Politics | Upload TimePublished on 23 Jul 2019 |
Không có nhận xét nào:
Đăng nhận xét